لاہور کی مقامی عدالت میشا شفیع کو اداکار و گلوکار علی ظفر کے خلاف بیان بازی سے روک دیا

ایڈیشنل سیشن جج شکیل احمد نے علی ظفر کی جانب سے دائر درخواست پر سماعت ہوئی اور محفوظ کیا گیا فیصلہ سنایا اپنے فیصلے میں عدالت نے میشا شفیع کو اداکار علی ظفر کے خلاف میڈیا پر بیان دینے پر پابندی عائد کردی ہے،

گزشتہ روز عدالت میں علی ظفر کے وکیل نے موقف اپنایا تھا کہ میشا شفیع میڈیا پر آکر جھوٹے الزامات عائد کررہی ہیں، لہٰذا ان کو بیان بازی سے روکنے کا حکم دیا جائے عدالت نے دلائل مکمل ہونے پر فیصلہ محفوظ کیا تھا، جسے آج سنا دیا گیا۔

اس سے قبل اداکار و گلوکار علی ظفر نے میشا شفیع کے خلاف ہتک عزت کا دعویٰ بھی دائر کیا تھا یاد رہے کہ زشتہ سال خواتین کو ہراساں کیے جانے سے متعلق سماجی رابطے کی ویب سائٹس پر 'می ٹو' مہم سامنے
آئی تھی۔

مذید پڑھیں،،

19 اپریل 2018 کو میشا شفیع نے اس مہم کے تحت ایک ٹوئٹ کے ذریعے الزام عائد کیا تھا کہ انہیں ساتھی گلوکار علی ظفر نے متعدد بار ہراساں کیا ان کے مطابق علی ظفر نے ایسے وقت میں جنسی طور پر ہراساں کیا، جب وہ خود کفیل اور معروف گلوکارہ و اداکارہ کے ساتھ ساتھ 2 بچوں کی ماں بھی تھیں گلوکارہ کا کہنا تھا کہ انہوں نے اپنے ساتھ ہونے والی ناانصافی پر کئی سال تک خاموشی اختیار کی تاہم اب ان کے صبر کا پیمانہ لبریز ہوچکا ہے، جس کی وجہ سے وہ اس معاملے کو سامنے لا رہی ہیں۔

میشا شفیع کی جانب سے الزامات عائد کیے جانے کے بعد علی ظفر نے ان تمام الزامات کو جھوٹا قرار دیتے ہوئے ان کے خلاف عدالت میں جانے کا اعلان کیا تھا علی ظفر کا کہنا تھا کہ انہیں عورتوں کو ہراساں کرنے کے خلاف جاری مہم ’می ٹو‘ کے بارے میں معلوم ہے اور انہیں اندازہ ہے کہ وہ کیوں اور کس لیے ہے۔

ساتھ ہی انہوں نے کہا تھا کہ وہ شادی شدہ اور جواں سالہ بیٹی اور بیٹے کے والد ہیں اور انہیں خواتین کی اہمیت و عزت کا اندازہ ہے

بعد ازاں علی ظفر نے میشا شفیع کو جھوٹا الزام لگانے کے خلاف 100 کروڑ روپے ہرجانے کا قانونی نوٹس بھجوایا تھا میشا شفیع نے علی ظفر کے قانونی نوٹس کا جواب دیتے ہوئے کہا تھا کہ علی ظفر نے اپنا لیگل نوٹس واپس نہ لیا تو وہ سول اور فوجداری قوانین کے تحت کارروائی کریں گی۔

دونوں فنکاروں کے درمیان اس تنازع پر پاکستان کی شوبز انڈسٹری میں مختلف رائے نظر آئی تھی جس میں کسی نے میشا شفیع کی حمایت کی تو کسی نے علی ظفر کا ساتھ دیا تھا۔