پاکستان انٹرنیشنل ایئرلائنز (پی آئی اے) نے اپنی پروازوں کے دوران جہاز میں موسیقی پر پابندی لگاتے ہوئے قصیدہ بردہ شریف سنانے کا آغاز کردیا

قومی پرواز کے دوران سفر میں قصیدہ بردہ شریف سنانے کا اقدام پی آئی اے کے چیف ایگزیکٹو آفیسر سی ای او ایئرمارشل ارشد ملک کی ہدایت پر کیا گیا واضح رہے کہ اس سے قبل پی آئی اے کی تمام پروازوں میں مدھم موسیقی بجا کرتی تھی،


پی آئی کی اندرون و بیرون ملک جانے والی تمام پروازوں پر موسیقی کے بجائے قصیدہ بردہ شریف پڑھا جائے گا خیال رہے کہ پی آئی اے پروازوں پر روانگی سے قبل سفر کی دعا بھی پڑھی جاتی ہے،

پی آئی اے نے تجرباتی طور پر بوئنگ 777 طیاروں پرقصیدہ بردہ شریف سنایا واضح رہے کہ پی آئی کے چیئرمین نے چند روز قبل ایک تقریب سے خطاب کرتے ہوئے کہا تھا کہ قومی پرواز کی بحالی کے لیے کم مدتی اور طویل المدتی منصوبوں پر کام کیا جارہا ہے۔